"Абай" мұражайы

Қазақстан Республикасы Үкіметінің «Қазақстан Республикасында Білім және ғылымды дамытудың 2020-2025 жылдарға арналған мемлекеттік бадарламасын бекіту туралы» 2019 жылғы №988 қаулысында «Мемлекеттік тілді басым дамыту білім беруді әдіснамалық және ғылыми-әдістемелік сүйемелдеу, оның ішінде қазақ тілі мен әдебиетін тереңдетіп оқыту есебінен күшейтілетін болады. Ол үшін гуманитарлық пәндерді тереңдетіп оқытатын Абай атындағы мектептер мен мектеп-интернаттарының желісі құрылатын болатын. Осыған сәйкес, Абайдың 175 жылдығына орай Қызылорда облысы әкімдігінің 2021 жылғы 20 қаңтардағы №183 қаулысына сәйкес мектеп атауы «Қызылорда облысының білім басқармасының Қызылорда қаласы бойынша білім бөлімінің «Абай атындағы үш тілде оқытатын дарынды балаларға арналған мамандандырылған сыныптары бар мектеп» коммуналдық мемлекеттік мекемесі болып мектеп атауы өзгертілді. Осы ретте, мектебімізде Абай мұражайын жасақтадық. Мұражай мазмұнына бірнеше атаулар берілді. «Абай және тектілік тамыры» деп аталатын бұрышта Абайдың әкесі Құнанбайдың ұрпағы және Абай балалары туралы мәліметтер келтірілген. Одан әрі Абайдың өскен ортасы, ескі қолжазбаларының түпнұсқасының суреттері, Абайдың достарымен, балалары, бауырларымен түскен фотосуреттері орналасқан. Сонымен қатар, Абай шығармашылығынан кітаптар жасалып қойылған.Төрдегі картинада Абай өлеңдерінен композициялық пейзаж құрылған. Одан әрі, Абайдың кім екенін танытатын бұрыш және Абай туралы айтылған ұлағатты кісілердің сөздері, «Әлем таныған Абай» бұрышында Абай ескерткіші орнатылған елдер картасы және суреттері бейнеленген. Мектеп оқушыларының жетістіктерінің кубоктары қойылған.

Мұражай дерекнамасы

1. Мұражайдың құрылған жылы: 2020 жыл, қараша айы.

2. Бөлімдері:

1. «Абайдай дана әкелген»

2. «Өскен орта –алтын бесік»

3. «Нәр алған үш арна»

4. «Ғұлама, ақын, сазгер – Абай дана»

5. «Ер намысы – ел намысы»

6. «Шәкіртсіз ғалым – тұл»

3. Негізгі қоры:

а) Абай замандағы кітаптар (араб тілінде жазылған, мұражайға Сейіт Кенжеахметұлы тапсырған).

Араб хрестоматиясы. Санкт-Петербург, 1876 жыл. 1930 жыл. 30 кыркүйекте Абайға мінездеме (фото көшірме)

Абайдың өз үйінде отбасымен түскен соңғы суреті (фото көшірме).

ә) ұлттық бұйымдар: домбыра, қобыз, шапан, тақия, тостағандар, Абайдың 150 жылдығына арналған түкті кілемше;

ұлттық әйел киімі, керме тақия;

4.көмекші қоры:

Абай танушылар еңбектері

Абай энциклопедиясы; Абай журналдары;

Фото документтер, фото суреттер.

Абай атындағы конференц залы

Абай атындағы мәжіліс залында үйірме жұмыстары, Ұлы Абайға арналған іс-шаралар ұйымдастырылып, өткізіледі. Мәжіліс залының қабырғасындағы бұрыштарға Абай шығармаларының әлем тілдеріне аударылуы бойынша, одан кейін «Шалқыдым шабыт төрінде» деген атаумен оқушыларымыздың өлеңдері, шығармалары жасақталса, «Абай мұрагерлерінің жетістіктері» деген бұрышта оқушылардың республикалық деңгейдегі байқаулардан алған дипломдары мен алғыс хаттары орналасқан. Абайдың өмір жолы мен шығармашылығынан мәліметтер берілген. «Ұлы даланың Ұлы Абайы» бұрышында Абайдың туып-өскен жері Шыңғыстау, Жидебай жерінің табиғаты, тау-тасының көріністері берілген.

Конференц залдың сипаттамасы:

•Конференц залы 100 орынға арналған;

•Конференция мен кездесулер, поэзия кештерін, әдеби-музыкалық композиция және қойылымдар қоюға, сонымен қатар оқу курстарын, семинар, тренингтер өткізуге негізделген;